الكلمات & Lyrics
في احد الايام حسيت ان انا صقعان بس جاتلي فكرة اخر روقان هحجز طيارة لاي كوكب قريب من الشمس وهجيب بالباقي لبان مبشربش لبن الصبح بشرب قهوة سادة وببل فيه البؤسوماطه وبعد ما كلت القهوة وشربت البؤسماط قومت عشان اروح ووانا خارج بلبس شراب (عشان الصقعة وكدا) بفردتين مختلفين وبحط الفيزا في الفردة الايمين ولبست الكمامة وفودني هاند فري شغلت اغاني عبدالحليم ومنستش نضارة الشمس عشان لما اطلع فوق متعميش ركبت اول مركبة للفضاء مكيفة وقاعد جنب السواق فالتراوة قلت الم الاجرة اداني اتنين من خمسة وواحد من ورا واحنا فالطريق اتعطلنا كان فيه نيزك معدي قدمنا كسر علينا مش سامع غير صفارة مش شايف غير غيامة وصلت للصدارة ونزلت اريح ف قابلت فضائيين عملت معاهم مشكلتين الاولي وانا بركن والتانية مش فاكر فين قولتلهم انا عيل فتك عالفكرة اهح ممكن اموتكوا بطلقة بيو بيو ده انا لما سخنت ولعت في القطب الشمالي ده انا اللي حرقت الشمس زمان انا راجل عصامي وقبل كدا عملت ورق عنب من اخصامي بغسل مخخهم مع الشرابات وبلحس مخخهم زي المصاصات ايوه ماهو انا ياما جامد ياما جامد برضه والتالت مرفوع وخد دي كمان انا بتفرج علي مانجا وانيمي وعضو فنادي الروشين ده انا بصحي منغير منبه انا كاريزما منغير سمارت واتش ده انا بلف كل 24 دقيقة حوالين الشمس واسرع منكوا بالف سنة ضوئية وبالي اطول من برج ايفل بس حظي زي برج بيزا سألت الفضائي عندك شيبس بطعم البيتزا وسألته انت ليه عينك كبيرة وليه لونك اخضر زي الجنينة طب الاكسجين قرب يخلص معكش زيادة طب سيبك انت مبتردش ليه قول اي حاجه قولتله انا نجم دي حاجه حدسية قبلية بديهية ايوه نجم حقيقي ومش مجازا بس شكله معجبهوش الرغي وعمل مني شوربة في ازازة طعمها كان اخر لذاذة اتقطعت وعايز اتخيط انا فرحان بس هعيط انا عايز حاجه ومش عارفها عايز ابوظ او اضيع والوس يلا في اي حاجه هدوس كنت رايح لغرض ما بس فنص الطريق توهت هناك وسط الفراغ ولا ولا ولا ولا لأ نسيت كنت هقول ايه بحاول افتكر فكرني وصلنا لفين خلاص بلاش غيرت الوجهة روحت رحلة بلا عودة للا شيء وحجزت تذكرة للمريخ تذكرة بالتقسيط كان فيه خصم خمسين لقيت هناك هلافيت عادي جدا ولقيت برضه زواحف بتطير بس مش هتفرق دايما بلاقي حلول عبقري ومش معقول نشنت عليك واصبتك بالذهول متعود اتمشي علي زحل بليل واشرب نيبتون اصل انا شب كول بس بقول كلام موزون مليش قواعد ولا بروتوكول وانا بكلمكم دلوقتي اتشفط في الاوزون بقيت في الولا حاجه بس ليا فوايد زي البنك فتحت موبايلي ولقطت نت فتحت جي بي اس وقفت علي الستالايت وللاسف اتدحرجت وقعت ووانا بقع افتكرت ان فالفضاء مفيش جرافتي وافتكرت حاجه كمان افتكرت اني مستغطتش قبل مانام قمت من النوم استغطيت والحمدلله مبقتش صقعان .